ROXAS CITY – Pilason ang duha ka mga pasahero kalakip ang isa ka tuig nga bata matapos nahulog sa pul-as ang tricycle sa Sitio Baclayan, Barangay Tuburan, Maayon, Capiz.
Pilas sa lawas ang naangkon sang mga biktima nga sanday Rino Baclas 27-anyos sang Carles, Iloilo kag isa ka tuig nga bata nga nag-angkon sang pilas sa ulo kag padyaon nga ginabulong sa ospital.
Nagaguwa sa imbestigasyon ng Maayon PNP nga padulong sa Barangay Duluan, Maayon ang tricycle nga ginamaneho ni Jocel Billaco kaupod ang asawa nga si Gina Billaco, duha ka menor de edad nga anak kag mag-utod nga sanday Rey kag Rino Baclas nga idul-ong nila para magtrabaho sa kamaisan sang masugata nila ang isa ka pick up.
Nagpondo ang tricycle sang mga biktima apang wala ginalauman nga makabunggo ini sa bayabas.
Nagpanaug ang driver sang tricycle sang mabatyagan nga kasubong mahulog na ang sidewheel sa pil-as.
Apang kasunod sang iya pagpanaug ang pagkahulog man sang tricycle sa pil-as.
Maswerte bangud duha lamang sa anum ka sakay sang tricycle ang napilasan sa insedente.
