-- ADVERTISEMENT --
IVISAN, CAPIZ – Pilason ang duha ka mga persona matapos nagbungguanay ang duha ka mga motorsiklo sa Barangay Basiao, Ivisan, Capiz.
Ginkilala ang mga napilasan nga sanday Nardie Quiachon , 27-anyos kag Elizardo Estores, 72-anyos nga lunsay residente sang nasambit nga lugar.
Base sa imbestigasyon sang mga kapulisan nga nagasugat-anay ang duha ka mga motorsiklo nga ginamaneho sang nasambitan duha ka mga indibidwal sang ini ang aksidente nga nagbungguanay.
Bangud diri, nag-angkon sang kasamaran sa magkatuhay nga porsyon sang lawas ang nasambit nga mga indibidwal nga madasig man nga gindala sa Roxas Memorial Provincial Hospital agud madapatan sang nagakaigo nga pagbulong.
