Ginlubong na ang 20 ka mga wala pa nakuha nga mga bangkay sang mga persons deprived with liberty (PDLs) sa New Bilibid Prison sa Muntinlupa City.
Suno kay Bureau of Corrections Director General Gregorio Pio Catapang Jr., ginlubong na ang mga PDL’s sa New Bilibid Prison Cemetery sang Oktubre 24, 2024.
Dugang pa sini, makaluluoy suno ang sitwasyon sang mga napatay nga pdls nga indi maduaw sang ila tagsa ka mga pamilya nga nakalubong na sa karon sa NBP Cemetery.
Rason agud manduan ni Catapang ang isa pa nila nga opisyal nga si NBP Superintendent, Chief Inspector Roger Boncales nga sindihan sang kandila ang mga ini sa tagsa sini ka mga puntod.
Samtang, base naman sa datos sang nasambit nga ahensya, nagdangat sa 384 nga mga bangkay ang wala pa nakuha sang mga pamilya sa mga kulungan kag penal farms sa bilog nga pungsod.
