Nakatalana nga magbiyah padulong sa Harbin, China ang 20 ka atleta sang pungsod nga magapasakop sa 9th Asian Winter Games.
Pagahiwaton ang opening ceremony sa adlaw sang Biyernes sa Harbin International Convention Exhibition and Sports Center kag magatakop ini tubtob Pebrereo 14.
Ginsiling ni Philippine Olympic Committee president Abraham “Bambol” Tolentino, nga kayang makigsabayan ang atleta sang pungsod.
Magluwas nga sarang nila nga maangkon ang medalya, isa man ini nga exposure kag experience agud mag-angkon sang pangalan ang pungsod sa Winter Olympics.
Ang nasambit nga numero nga 20-atleta amu ang pinakadaku na nga delegasyon sang pungsod sa nasambit nga torneo.
Pagapangunahan ini nanday Francis Ceccarelli kag Tallulah Proulx para sa slalom sang Alpine Skiing; Laetaz Amihan Rabe sa free ski slopestyle, big air kag halfpipe sang snowboarding.
Short-track speed skater Peter Gorseclose; kaupod man sanday Isabella Gamez kag Alexander Korovin sang figure skaters paer; kag mga figure skaters nga sanday Sofia Frank, Paolo Borromeo, Cathryn Limketkai.
Ginakabug-usan naman sang men’s curling team nanday Benjo Delarmente, Alan Frei, Christian Haller, Enrico Pfister kag Marc Pfister.
Samtang sa womens’ curling team, ginakabug-usan nanday Anne Bonache, Kathleen Dubberstein, Leilani Dubberstein, Sheila Mariano kag Jessica Pfister.
Indi naman makaupod si Pinoyo snowboarder Adrian Lee Tongko matapos nga mag-angkon sang knee injury samtang ini ang naga-ensayo sa Hakuba, Japan.
