Tuman ang kalipay sang kapin 2000 ka mga studyante nagikan sa nagkalain-lain nga buluthuan sa primero distrito ang nahatagan sang kahigayunan nga nga payout sang Ayuda Para sa Kapos Ang Kita Program (AKAP) ni House Speaker Martin Romualdez kun sa diin nagbaton ang mga ini sang ayuda nga nagabalor sang P3,000.
Tuman ang kasadya sa covered gym sang Capiz NHS, sa syudad sang Roxas matapos nga ginhatagan sang pag-ulikid kag pinansyal nga bulig ang mga working students.
Ginpangunahan ang nasambit nga kahiwatan ang ni Cong. Howard Guinto, kaupod ang mga Sk Officials sang mga kabarangayan sa syudad sang Roxas, Coordinators kag Staff sang CNHS.
Pinaagi sa sini nga programa, nabuligan ang tagsa ka mga estudyante nga nakabaton sang bulig pinansyal agud makadugang sa ila galastusan sa pang adlaw-adlaw.
Nagapasalamat man ang mga ini sa amo nga programa nga wala gid naga-untat sa pagbulig sa mga kasubong nila nga mga studyante nga kubos kag nagakihanglan sang bulig.
