Gina-preparahan na sang Philippine National Police ang apat ka bulan bag-o magsugod ang filing sang kandidatura para sa 2025 mid-term Elections.
Ang katuyuan sini amo agud mapunggan ang mga Private Armed Group, sindikato sang iligal nga droga kag mapunggan man ang paglapta sang mga loose firearms.
Kalakip sini, gin-assign ni PNP Chief, PGen. Rommel Francisco Marbil ang mga commander sini sa ground nga makig-angut sa mga lokal nga gobyerno para pabaskugon ang pagbantay sini sa mga ginakabig nga “hotspot” areas
Pabaskugon man sang PNP ang Community Awareness Programs sini agud maganyat ang publiko nga magsugid sang mga posible nga indi maayo nga mga aktibidad.
Ginpahayag man ni PNP Public Information Office Chief, PCol. Jean Fajardo nga magadugang sila sang mga pulis sa mga election areas of concern sang Comelec.
