ROXAS CITY – Dead on arrival ang isa ka 21-anyos nga babaye matapos ang nagluntad nga aksidente sa Barangay Dacuton, Dumarao, Capiz.
Ginkilala ang biktima nga si Carla Mae Villaftin sang nasambit nga lugar.
Sandig sa imbestigasyon sang Dumarao PNP nga samtang ginasubay sang biktima ang dalanon padulong sa Barangay Bungsu-an gikan sa Barangay Dacuton sang aksidente ini nabungguan sang Toyota Revo nga ginamaneho ni Ronie Vicente 24-anyos sang amo man nga lugar.
Bangud sa mabaskog nga impact sang pagkabunggo nag-angkon sang patal nga pilas ang biktima nga gilayon naman gindala sa Dao District Hospital apang gindeklarar nga dead on arrival.
Samtang ang driver naman ang temporaryo nga ginkustodiya sa Dumarao Municipal Police Station para sa nagakaigo nga disposisyon.
Mahibaluan nga yara sa idalom sang impluwensya sang makahulubog nga ilimnon si Vicente sang nagluntad ang aksidente.
