ROXAS CITY – Ginpasakaan na sang kaso sa paglapas sa Presidential Decree 1602 ukon Illegal Gambling ang 21 ka mga indibidwal nga nga nadakpan nga nagapatigayon sang ilegal nga billiard sa Barangay Bolo, Roxas City.
Ang mga nagkaladakpan amo sanday Arvie Alvarez sang Barangay Bolo; Felix Paulino kag Mark Kenney Acla sang Barangay Culasi; Juan Dillo sang Barangay Liong; Gabriel Labrador, Julius Quistadio kag Kent Julius Quistadio sang banwa sang Sigma; Joemarie Fegarido, Juan Paul Frial kag Rusty Dela Cruz sang banwa sang Dumalag; Marlo Bunyag sang banwa sang Cuartero; Brian Coronado sang banwa sang Panitan; Sebastian Pinol sang banwa sang Dingle, Iloilo; Juan Vernie Laborro sang Lapaz, Iloilo; Revic Longno kag Romeo Pediuria sang Jaro, Iloilo; Antonio Porras sang Janiuay, Iloilo; Jay Loui Flores, Jessie Dagumanpan kag Reylan Sanggalan sang San Jose, Antique kag Mark Ian Ureta sang Pandan, Antique.
Mahibaluan nga narekober sa lugar ang duha ka mga billiard poles, 10 ka mga billiard balls, 2 ka mga cue cases, cue bridge, score board, cellphone kag bet money nga nagalab-ot sa P33,850.
Nagapabilin nga nakahunong sa karsel sang Roxas City Police Station ang nasambit nga mga persona para sa nagakaigo nga disposisyon.
