22 ka mga indibidwal, patay sa malapnagon nga hublag-protesta sa Madagascar

Nagapadayon ang hublag-protesta sa kabisera sang Madagascar batuk sa paliwat-liwat nga brownout kag kakulangan sa tubig.

Naga-gamit sang tear gas ang pulisya sa pagpahalin sang ginatos ka mga pamatan-on nga nagatipon sa karsada.

Bitbit sang mga nagaprotesta ang hayahay nga may laragway sang bungo, nga ginapahayag nagasimbolo sang kahilwayan para sa Generation Z.

Nahibaluan nga naglab-ot na sa 22 ang napatay kag masobra 100 ang napilasan humalin nga nag-umpisa ang hublag-protesta sang tinalikdan nga semana.

Apisar nga napuhag na ni Presidente Andry Rajoelina ang iya nga gabinete, nagapabilin ang panawagan sang mga raliyista para sa iya nga resignation kag pagbag-o sa sistema sang gobyerno.