Naglab-ot na sa 22 nga mga Senador, ang nagpirma sa resolusyon nga may tinutuyo temporaryo nga suspendihon ang pagpatuman sang Public Utility Vehicle Modernization Program (PUVMP) ukon ginatawag karun nga Public Transport Modernization Program (PTMP).
Ang Senate Resolution No. 1096, ang ginsumite ni Senate Committee on Public Services, Chairperson, Senador Raffy Tulfo matapos sini mahibaluan nga indi planado kag gindalian lang ang paghimo sang modernization program.
Ginhatagan man sang pagtamud sang senador sa nasambit nga resolusyon ang mga hibubun-ot sang kada apektado nga driver, grupo, union kag mangin transport cooperatives.
Sa karun, wala pa naka-eksplekar si Senadora Risa Hontiveros kun ngaman tubtob subong wala pa niya ini napirmahan.
Matandaan nga suno sa Department of Transportation, natalana sila nga magpalab-ot sang sulat sa opisina ni Senate President Chiz Escudero agud ipakita ang matuod nga sitwasyon sang ila ginhimo nga modernisasyon.
