Ginaduso ni Paranaque 2nd District Rep. Brian Raymund Yamsuan ang House Bill No. 3215 ukon Magna Carta para sa mga Barangay health workers.
Ginabulubanta nga 230,000 ka mga barangay health workers sa bug-os nga pungsod ang makabenepisyo sa tion nga mangin kasuguan na ang House Bill 3215 ukon Magna Carta para sa mga BHW.
Suno kay Yamsuan, target sang tagsulat sang hagna nga mahatagan sang monthly honoraria nga P3,000 tubtub P5,000 ang mga BHWs.
Lakip sa mga benepisyo sa idalom sang House Bill amo ang mga masunod:
Hazard allowance nga indi magnubo sa P1,000 kada bulan
– Subsistence allowance nga indi magnubo sa P100 kada adlaw
– Transportation allowance nga indi magnubo sa P1,000 kada bulan
– One-time gratuity cash incentive nga P10,000, para sa mga BHWs nga nakaserbisyo sang indi magnubo sa 15 ka tuig
– Insurance coverage sa idalom sang Government Service Insurance System
– Training, education, kag career enrichment programs
– Mga benepisyo sa ikaayong lawas, lakip ang awtomatiko nga pagkamiyembro sa Philhealth
– Leave credits
– Cash gifts
– Civil service eligibility para sa mga BHW nga nakatapos sang 5 ka tuig nga serbisyo
Ginhatagan pagtamod ni Yamsuan nga tion na para sa mga benepisyo nga magtupong sa indi mabaylohan nga mga kontribusyon sang mga BHW sa pagpabakod sang aton sistema sa pag-atipan sa ikaayong lawas.
