Boluntaryo nga nagsungka sa mga kapulisan ang 24 anyos nga lalaki sa Barangay Poblacion Ilaya, Maayon Capiz.
Ginkilala ang akusado kay alyas “Jepoy”,kag residente sang Barangay Poblacion Norte, Ivisan, Capiz.
Mahibaluan, nga nagapangatubang sa kaso nga Rape kag RA 7610 ukon Anti-Child Abuse Law.
Ang warrant of arrest ang gin-isyu kag ginpermahan ni HON. JOAN MARIE B. BARGAS-BETITA Presiding Judge , Regional Trial Court , 6th Judicial Region, Branch 14, Roxas City, Capiz, napetsahan sadtong March 5, 2025.
Wala naman sang piyansa nga ginrekomendar ang korte sa temporaryo sini nga kahilwayan sa kaso nga Rape
Apang, ginrekomendar sang korte ang P200,000 nga piyansa para sa temporaryo nga kahilwayan sa kaso nga R.A 7610.
Sa karun, yara na ini sa kustodiya sang Maayon Municipal Police Station para sa nagakaigo nga disposisyon.
