ROXAS CITY – Kritikal ang 27-anyos nga lalaki matapos nga ginluthang sang maka-pito ka beses sa Sitio Libas, Barangay San Esteban banwa sang Pilar.
Ginkilala ang biktima kay Emmuel Matillano samtang ang suspek ang ginkilala kay alyas Edoy Bacanto lunsay residente sang nasambit nga lugar.
Sandig sa imbestigasyon sang Pilar MPS, sakay ang biktima sa motorsiklo kaupod ang utod sini nga si Jhon Paul Matillano, sang nagpondo ini makadali sa isa ka balay agud magpamangkot kun nga’a ginbutangan sang balabag ang dalanon, sang hinali ini ginluthang ni Bacanto sang maka-pito ka beses.
Sa karon, yara na ini sa Bailan District Hospital para sa pagbulong.
Samtang, gilayon nga nagpalagyo ang suspek matapos ang krimen.
Nagapadayon sa karon ang hot pursuit operation sang mga kapulisan sa posible lokasyon sang suspek.
