ROXAS CITY – Ginamonitor sang municipal health unit ang 24 ka tawo nga na-explose kag nagkaon sang ido nga nagpositibo sa rabies sa Barangay Aranguel, President Roxas, Capiz.
Sa interview sang Bombo Radyo Roxas kay Dr. Pilar Posadas, municipal health officer sang President Roxas, ginpahayag sini nga matapos nagguwa ang resulta nga positibo sa rabies ang layaw nga ido nga ginkatay kag ginkaon sang 24 ka tawo gilayon nga ginpangita ang mga ini sang talayapan kag gin-imbestigahan.
Ginsabat man sang local government unit sang President Roxas ang pagbakal sang anti rabies vaccine nga gin-inject sa nagkaon sang rabid dog, bangud nagpanindugan ang mga tawo nga wala sila sang inugbakal sang vaccine.
Gin-inject na ang 2nd dose sang nasambit nga vaccine sa nasambit nga tawo kag patigayunon ang 3rd kag last dose sang vaccine sa maabot nga Biyernes.
Sa karon wala pa sang ginpakita nga sintomas sang rabies ang nasambit nga mga indibidwal apang ginpanugyanan sila ni Dr. Posadas nga sa tion nga magsuprer sila sang lagnat, madulaan sang gana sa pagkaon, magsakit ang kalawasan kag mahadluk na nga mag-inum sang tubig, gilayon sila nga magpadulong sa health center agud sila ang matsekyar.
