25-anyos nga drug suspect dakop sa buybust operation sa Barangay Cabugao Roxas City

ROXAS CITY -Nakahunong na sa karsel sang Roxas City Police Station ang 25-anyos nga lalaki matapos  nadakpan sa drug buybust operation sang Station Drug Enforcement Team sa Barangay Cabugao, Roxas City.

Ginkilala ang arestado kay Mark Orly Gabriel, 25-anyos sang Angelville Subdivision Barangay Jose sining syudad.

Nakuha sa posesyon ni Gabriel ang 1 ka plastic sachet sang ginapatihan shabu, P8,000 nga boodle money, 1 unit sang cellphone kag 1 unit sang motorsiklo.

Ginabulubanta nga P13,000 ang balor sang narekober nga shabu kay Gabriel.

Samtang natalana naman nga pasakaan sang panumbongon nga paglapas sa R.A. 9165 ukon Comprehensive Dangerous Drugs Act of 2002 ang drug suspek.