25 ka mga indibidwal, patay  sa drone kag missile strike sang Russia sa Ukraine

Indi magnubo sa 25 ka tawo ang napatay sa pag-atake sang Russian drone kag missile sa Ternopil, Ukraine.

Suno sa mga rescue officials sang Ukraine, tatlo ka kabataan ang nalakip sa mga napatay kag 73 pa ang napilasan.

Duha pa ka lugar sa western region sang Lviv kag Ivano-Frankivsk ang naigo sang mga pag-atake sang drone sang Russia.

Ang air force sang Ukraine nagpalupok sang 442 sa 476 ka mga drone kag 41 sa 48 ka mga missile nga ginpaguwa sang Russia.

Gamit sang Ukraine ang F-16 kag Mirage 2000 jets para mabalabagan ang 10 ka mga Russian cruise missiles.