-- ADVERTISEMENT --
ROXAS CITY – Dakop ang 29-anyos nga babayi sa ginkasa nga drug buy bust operation sang Provincial Drug Enforcement Unit (PDEU) sa Sitio Proper, Barangay Bago, Roxas City.
Ginkilala ang nadakpan nga si Gemma Mae Calinao kag residente sang nasambit nga barangay.
Narekober sa posisyon sang suspetsado ang 2 tanan ka sachets sang ginapatihan shabu, drug paraphernalia kag P3,600 nga buy bust money, lakip na ang P13,000 personal sini nga kwarta.
Sa karon nakahunong na sa karsel sang Roxas City Police Station ang suspek kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
