-- ADVERTISEMENT --
ROXAS CITY – Patay ang tatlo ka tuig nga bata matapos ginaalegar nalumos sa bubon sa Barangay Salgan, Maayon, Capiz.
Base sa impormasyon nga nakuha sang Bombo Radyo Roxas, nakit-an na lamang ni Robert Dellava nga nagalutaw na sa amo nga bubon ang biktima nga iya hinablos.
Bangud diri, gintinguhaan ni Dellava nga makuha ang iya hinablos kag nagpangayo ini sang bulig sa ila mga kasilingan agud madala ini sa ospital.
Wala na matabangan pa ang biktima kag gindeklarar nga dead on arrival sa Bailan District Hospital.
Ginapatihan nga naghampang ang biktima sa amo nga lugar kag posible nadanlog ini kag nahulog sa bubon.
-- ADVERTISEMENT --
Nagaguha naman sa imbestigasyon sang mga otoridad nga wala sang foulplay sa kamatayon sang nasambit nga biktima.
