ROXAS CITY – Karsel ang ginsudlan sang tatlo ka drug personalities kalakip ang isa ka 19-anyos nga estudyante matapos maaresto sa drug buy bust operation sa Arches Subdivision, Barangay Inzo Arnaldo Village, Roxas City sang Roxas City Station Drug Enforcement Team.
Ginkilala ang mga nadakpan nga sanday Arthur Inocencio sang Barangay Inzo
Arnaldo Village, live-in partner nga estudyante nga si Pauline Paraiso kag
pakaisa nga si Wilbert Antonino.
Ginpahayag ni Police Master Sergeant Ramil Arcangeles nga isa ka bulan ang ila monitoring sa iligal nga aktibidad ni Inocencio antes ginpatigayon ang operasyon.
Nagaguwa ang pangalan ni Inocencio sa intelligence information sang kapulisan nga isa sa mga nagaduso sang droga sa nasambit nga lugar.
Narekober sang mga kapulisan sa balay ni Inocencio ang siyam ka sachet sang ginapatihan shabu, aluminum foil, tooter, duha ka cellphones kag marked money nga P500.
Nakahunong na sa karsel sang Roxas City PNP ang tatlo ka mga drug suspek.
