ROXAS CITY – Kumpirmado nga biktima sang Paralytic Shellfish Poisoining (PSP) ang tatlo ka menor de edad nga na-ospital matapos nagkaon sang tahong sa Barangay San Ramon, Pilar.
Sa interview sang Bombo Radyo kay Mr. Ronald Roa, Fishery Coordinator sang Pilar, suno diri ang nasambit nga resulta ang sandig sa ginpatigayon nga test sang doctor sa tatlo ka menor de edad matapos makabatyag sang pagpangluya kag pagpalanuka.
Mahibaluan ang mga biktima ang nagapang-edaron sa 16-anyos, 12-anyos kag 10 ka tuig nga lunsay maghimata.
Suno diri, ginkaon sang magpamilya ang tahong nga dala sang ila amay humalin panyaga tubtob panyapon magluwas lamang sa iloy nga nagabusong.
Dugang pa sini, nga sa 6 ka miyembro sang pamilya ang 3 ka biktima ang nakabatyag sang sintomas sang PSP bangud sa posibilidad madamo ang nakaon sang mga ini.
Sa karon, luwas na sa katalagman ang tatlo kag padayon nga ginamonitor ang estado.
Paalinton ni Roa sa publiko, nga likawan anay ang pagkaon sang panginhason bangud ang red tide ang padayon sa gihapon nga naga-apekto sa mga kalalawran sang Pilar.
