2 ka balay gintupok sang kalayo kag 1 ang partially burned matapos ang nagluntad nga sunog sa Poblacion Norte, Sigma, Capiz.
Ginkilala ang tag-iya sang 2 ka totally burned nga sanday Josan Natal Jr. kag Eduardo Azarcon samtang ang partially burned naman ang ginapanag-iyahan ni Lourdes Flaga Azarcon.
Sa interview sang Bombo Radyo kay Eduardo Azarcon, nagapanag-iya sang totally burned nga balay kun sa diin nakilid nga bahin ang ila balay.
Ginpahayag sini nga nagsugod ang kalayo sa kusina nga bahin sang balay sang kaluyo sini nga napahamtang sa tunga sini nila.
Kakibot nalang nila nga nagakalayo na ang ila nga puluy-an kag suno pa kay Azarcon nga madamu sa ila sang mga kaupdanan sa balay bangud may okasyon sa ila sang natabo ang amo nga sunog.
Suno pa nga human sa mixed light materials ang amo nga mga puluy-an rason nga madasig nga naglapta ang kalayo.
Sa karon, padayon pa ang imbestigasyon sang mga katapo sang bumbero agud matumod ang gintunaan sang amo nga sunog kag mahibaluan ang nangin kahalitan sini.
