3 ka mga indibidwal, patay sa pagpangluthang sa isa ka nightclub sa Brooklyn

Tatlo ang patay kag siyam ang napilasan sa pagpangluthang sa isa ka nightclub sa Brooklyn, New York.

Ang mga biktima, naga-edad sang 19 tubtub 61 anyos kag ang mga pilason ang gindala sa ospital.

Suno kay New York Police Department (NYPD) Commissioner Jessica Tisch, nagapati sila nga apat ka tawo ang nagpalupok sang armas.

Nakita nila sa crime scene ang 42 ka empty shell sang wala mahibaluan nga kalibre kag narekober ang pusil sa malapit.

Suno sa iya, ang pagpangluthang mahimo nga naghalin sa pag-ilinaway sang mga gang.

Nagpanawagan si New York City Mayor Eric Adams sa mga testigo nga magkooperar agud gilayon nga madakpan ang mga yara sa likod sang pagpangluthang.