ROXAS CITY – Arestado ang tatlo ka mga persona matapos ginserbehan sang separado nga mandamiento de aresto sa banwa sang Dumarao.
Ginkilala ang mga arestado nga sanday Raphy Bandada, 38-anyos, Roy Justalero, 44-anyos kag Roldan Justalero, 43-anyos kag lunsay mga residente sang Brgy. Sagrada Familia sa nasambitan nga banwa.
Magapangatubang sa kaso nga frustrated murder ang mga nasambitan nga arestado.
Ang nasambitan nga warrant of arrest ang ginpapanaug ni Hon. Presiding Judge Kristine Tianco-Vinculado, Regional Trial Court , 6th Judicial Region, Branch 16, Roxas City napetsahan Mayo 4, 2022.
Ginrekomendar sang korte ang tag-P200,000 nga piyansa para sa temporaryo nga kahilwayan sang mga ini.
Sa karon nakahunong na sa karsel sang Dumarao MPS ang mga arestado para sa nagakaigo nga disposisyon.
