Ginhilway na sang Hamas ang 3 pa ka Israelis nga bihag gikan sa Gaza.
Ini ang kabaylo sang pagpahilway sang kabug-usan nga 183 preso nga Palestinian nga nakabulig sa mga karsel sang Israel.
Kalakip sa mga ginhilway, ang 3 ka lalaki nga Israelis nga sanday Eli Sharabi, 52-anyos, Ohad Ben Ami, 56-anyos kag Or Levy, 34-anyos.
Si Sharabi ang gindukot nagikan sa Kibbutz Beeri kaupod ang iya utod nga nakumpirmar nga napatay samtang ginpatay naman sa nasambit nga pag-atake ang iya mag-iloy.
Si Ami naman ang gindukot man sa Kibbutz Beeri kaupod ang iya misis nga ginhilway man sang Hamas.
Samtang si Levy naman ang nagpalagyo sa Nova festival kaupod ang iya misis sang nag-atake ang mga armado nga Hamas apang ginbihag ini samtang napatay naman ang iya asawa sa bomb shelter kun sa diin sila nagpanago.
Ang panibag-o nga hostage-prisoner swap sa tunga sang Hamas kag Israel ang parte gihapon sang ceasefire deal nga nangin epektibo sang Enero 19.
