Patay ang tatlo ka mga indibiwal samtang linibo ka mga kabalayan ang nagkalaguba sa tuman nga pagbinaha sa sidlangan nga bahin sang Romania, suno sa mga opisyal sang amo nga pungsod.
Kalakip diri ang pagkapatay sang duwa ka mga senior citizen nga mga kababayin-an nga naga-edad 85 kag 83.
Suno sa emergency response agency sang pungsod yara sa 25 ka mga villages sa siyam ka mga probinsya ang apektado sang makusog nga pag-ulan nga nagtuga sang mga pagbaha.
Nagkalaguba man ang mga bubong sang mga kabalayan, nagkalatumba nga puno sang kahoy, kag pagsirado sang pila ka mga nagapanguna nga karsada sa lugar.
Samtang sa banwa sang Brosteni sa Suceava, tanan nga mga alagyan pasulod ang indi maagihan.
Ginkinahanglan naman sang mga bombero nga mag-gamit sang excavator agud makuha ang isa sa mga bangkay nagikan sa sapa nga nagaawas sa lugar.
Base sa mga video nga ginpakigbahin sang mga otoridad makita ang mga balay kag mga salakyan nga gin-anod sang tubig, samtang padayon ang pagpangita sang mga posible nga biktima.
Samtang, suno sa Environment Ministry, pila ka mga sapa pa ang naglab-ot sa record high nga lebel sang tubig, kag sa karon ginapatigayon pa ang pagkay-o sang mga nasira nga taytay.
