PANAY, CAPIZ – Nag-angkon sang mga kasamaran sa lawas ang tatlo ka mga persona matapos nga aksidente nga nasanggit sang isa ka motorsiklo ang isa man ka motorsiklo sa Barangay Cogon, Panay, Capiz.
Ang mga napilasan amo sanday Ken Dequiña, driver sang motorsiklo, backrider sini nga si Junel Buhat, lunsay mga residente sang Pontevedra, kag ang driver sang isa pa ka motorsiklo nga si John Peter Rufino sang Barangay Inzo Arnaldo, Roxas City.
Base sa inisyal nga imbestigasyon sang Panay PNP, padulong kuntani sa banwa sang Panay sanday Dequiña sang aksidente nga nasanggit ang ila motorsiklo sang motorsiklo nga ginamaneho ni Rufino.
Bangud diri, lunsay natumba ang duha ka motorsiklo nga nagresulta sa pagkaangkon sang kasamaran sa lawas sang nasambit nga mga indibidwal.
Gilayon man nga gindapatan sang nagakaigo nga pagbulong ang nasambitan nga mga indibidwal.
