PANIT-AN, CAPIZ – Nag-angkon sang menor nga mga pilas sa lawas ang tatlo ka persona matapos ang nagluntad nga aksidente sa dalanon sa Barangay Salocon, Panit-an, Capiz.
Ginkilala ang mga napilasan nga sanday Renan Dela Vega, 20 anyos sang Barangay Tinigban, Panit-an, driver sang isa ka motorsiklo; Ricky Bade, 20 anyos sang Barangay Agkilo, Panit-an, driver sang isa pa ka motorsiklo kag ang backrider sini nga si Sarah Fe Bace, 20 anyos sang Ilaya-Ivisan, Ivisan.
Base sa inisyal nga imbestigasyon, samtang ginasubay ni Dela Vega ang lugar sakay sa iya motorsiklo, aksidente ini nga nasanggit sang motorsiklo nga ginamaneho ni Bade rason nga lunsay natumba ang duha ka motorsiklo sa dalan.
Bangud diri nag-angkon sang menor nga pilas ang tatlo ka mga indibidwal nga gilayon man gindapatan sang nagakaigo nga pagbulong.
