ROXAS CITY – Pilason ang isa ka lalaki matapos ginbuno sang 60-anyos nga lalaki nga kaupod sini sa ilimnan sa Barangay Lacaron, Dao, Capiz takna 10:20 kagab-i, Agosto 14.
Ginkilala ang biktima kay Chimar Duron samtang ang suspek naman ang ginkilala kay Morito De Mateo lunsay mga residente sang nasambit nga Barangay.
Sandig sa imbestigasyon sang Dao PNP, kaupod nga nag-inom sa balay sang suspek ang biktima kag ginpahayag nag-videoke pa, apang nagluntad ang wala pag-intindihanay sa tunga sang duwa kag didto nagkuha sang kutsilyo si De Mateo sa sulod sang iya balay kag ginbuno sa dughan kag tiyan si Duron.
Madasig naman nga gindala si Duron sa Bailan District Hospital samtang ang suspetsado ang bolutaryo nga nagsungka sa isa ka Barangay Kagawad sa nasambit nga Barangay kag ginturn-over sa kapulisan.
Sa karon, padayon nga ginabulong ang biktima samtang ang suspek naman ang yara sa kustodiya sang Dao MPS.
