May yara na sang 32,089 doses nga AVAC live vaccines nagikan sa Vietnam ang ginapanagtag sa idalum sang government-controlled vaccination sang Department of Agriculture batuk sa African swine fever (ASF).
Suno kay DA spokesperson Assistant Secretary Arnel de Mesa, naglab-ot na sa 33,000 doses ang ila na-administer sa 11 ka mga munisipalidad sang 5 ka probinsya.
Dugang pa sini nga nagapadayon ang pagbakuna sa mapagros kag ASF-negative hogs sa 18 farms sa nagkalain-lain nga munisipalidad sa Central Luzon kag Calabarzon.
Kalakip diri ang pauna nga 10,000 doses sang AVAC live vaccines sa idalum naman sang emergency procurement sang gobyerno nga una na nga ginpatigayon sa Lobo, Batangas.
Magluwas sa mga gintan-ay nga doses, may 160,000 dosessa ng ASF vaccines ang gindala sa DA-Bureau of Animal Industry (BAI).
Matandaan una na nga ginpahayag sang ahensya ang pagpadulong sa ASF-affected barangays sa tunga sang vaccine rollout kag ginpasangkad nga border inspection measures.
Ang mga apektado nga rehiyon ang ginakalakipan sang Cordillera Administrative Region, Ilocos, Central Luzon, Calabarzon, Bicol, Central Visayas, Eastern Visayas kag Soccsksargen.
