34-anyos nga mister arestado matapos nga nagpang hold-up sa Barangay VIII, Roxas City

ROXAS CITY-Arestado ang 34-anyos nga mister matapos nga ginaalegar nagpang hold-up sa Barangay VIII, Roxas City.

Ginkilala ang suspek nga si Zaldy Besa residente sang Barangay Cagay, sining siyudad.

Nadakpan ang nasambit nga suspek sa ginkasa nga follow up investigation sang mga kapulisan kun sa diin narekober sa posesyon sini ang gintaban nga cellphone sang biktima.

Samtang positibo naman nga gintudlo sang biktima ang nasambit nga suspek nga amo ang nagpanutok sang kutsilyo kag nagkuha sang iya nga cellphone.

Sa karon nakahunong na sa karsel sang Roxas City Police Station ang amo nga suspetsado.