Patay na kag ginlubong sa Taal Lake sa Batangas ang 34 ka mga manug-bulang nga una nga gin-report nga missing sang nagligad nga apat ka tuig.
Ang ini nga confession ang gikan sa isa sa mga suspek nga luyag mangin state witness.
Suno sa suspek nga isa sa anom ka mga gwardya sa Manila Arena, ang mga manug-bulang ang ginhigtan sang wire sa liog tubtob nga mapatay.
Nadesisyonan sang suspek nga magtuad sang iya nahibaluan bangud sa pagpamahog nga nabaton sang iya nga pamilya.
Nagpasalig man ang suspek nga handa siya nga pangalanan ang nagmandu sa pagpatay sa mga manug-bulang.
Pahayag pa niya, ang mga biktima ang palareho nga nangdaya sa bulang.
Gin-endorso nila ang mga biktima sa isa pa ka grupo nga wala na niya ginhingadlan pa.
Gintuad pa sini nga may mga drug lords man nga ginpanglubong sa Taal Lake.
Nahibaluan nga gin-grant sang Court of Appeals ang petition sang prosecution nga nagahingyo nga ikansela ang bail sang mga suspek sa diin gin-grant man sang Manila Regional Trial Court Branch 40.
