ROXAS CITY -Kapin sa 375 ka mga konsumidor ang naka-avail sang staggered payment nga gintanyag sang Capiz Electric Cooperative (CAPELCO) para sa balayran sang kuryente bangud sang ginapangatubang karon nga coronavirus disease (COVID-19) pandemic.
Ini ang ginpahayag ni ni CAPELCO General Manager Engr. Edgar Diaz sang mainterview sang Bombo Radyo.
Ginpahayag ni Diaz nga mahimo mabayaran sang mga kunsomidor ang ila mga balayran sang kuryente humalin bulan sang Marso kag Abril pinaagi sa staggered basis.
Apang gin-athag Diaz nga ang mga naka-avail sang staggered payment amo ang mga kunsomidor nga nagpadulong sa talatapan sang CAPELCO kag naghinyo antes ang May 15, 2020 nga deadline.
Samtang ginpahahumdum ni Diaz nga sumugod sa bulan sang Hulyo magasugod na sang pagpang-utod sang kuryente kag pagpatuman sang mga penalidad sa mga kunsomidor nga wala pa makabayad sang ila mga bill kag wala naka-avail sang staggered payment.
Ginklaro man ni Diaz nga hatagan sang isa tubtub duha ka adlaw nga extension ang mga kunsomidor nga nakabaton sang disconnection notice nga makabayad antes utdan sang kuryente
