ROXAS CITY – Gin-athag sang presidente sang Integrated Bar of the Philippines – Capiz Chapter nga wala sang abugado nga naka-invest sang kwarta sa kontrobersiyal sa karon nga FOREX investment scheme sa probinsiya.
Suno kay Atty. Maria Leobeth Deslate-Delicana, posible nga gingamit man sang mga recruiters ang pangalan sang mga kilala nga abugado sa probinsiya agud mas makaganyat sang madamo nga investors.
Ginpahayag sini nga daku ang impluwensiya sang isa ka abugado sa isa ka ordinaryo nga tawo rason nga posible nangin estratehiya na ini sang mga recruiters.
Apang sa ila nga pagpanalawsaw, ginpahayag ni Delicana nga wala sang abugado nga miyembro sang nasambit nga investment scheme.
Mahibaluan nga nagtuhaw ang pangalan sang pila ka mga kilala nga abugado sa probinsiya nga ginatudlo sang pila ka investors nga naka-invest sang ila nga kwarta.
