ROXAS CITY – Confine karon sa ospital sa syudad sang Roxas ang tatlo sa apat ka mga manlalaro ng Team Aklan matapos dinapuan ng sakit na dengue sa kasagsagan ng Western Visayas Regional Athletic Association (WVRAA) meet 2019.
Sa interview sang Bombo Radyo Roxas kay Dr. Ruby Fernandez, team physician sang Team Aklan, ginpahayag sini nga una nga nagguwa ang sintomas sang nasambit nga sakit sa isa ka atleta sadtong Pebrero 17, 2019, isa ka adlaw antes ang pagsugod sang mga sporting event.
Kalakip sa mga nakaangkon sang sakit nga dengue nga confine sa ospital ang mga atleta sa basketball secondary level, athletics, kag pencak silat.
Samtang nagpauli na lamang sa Aklan ang isa ka atleta sa elementarya sa dance sports matapos nakit-an nga may sintomas ini sang dengue.
Nauna na nga ginreklamo sang delegasyon sang Aklan ang madamo nga lamok sa ila nga billeting area sa Plaridel East and West Elementary School.
Samtang wala pa ginpatigayon ang misting sa nasambit nga lugar nagbakal na sang mga mosquito repellent lotion ang mga coaches kag manunudlo kag naggamit man sila sang mga mosketero bilang proteksyon sa lamok nga nagdala sang dengue.
