Ginalangkagan sa karon ang nagahilapit nga pagbukas sang bag-o nga season sang NBA.
Yara sa apat nga Filipino-American players ang ginkuha sang nagkalain-lain nga team sa NBA.
Ginpamunuan ini ni Utah Jazz player Jordan Clarkson.
Wala nakahampang sa pila ka game sang nakaligad nga duha ka seasons si Clarkson bangud sa mga injuries.
Gin-ako sini nga gin-spend niya ang bakasyon sa pagpaayo ilabi na pagkatapos nga ginkuha ini nga maghampang sa Gilas Pilipinas sadtong FIBA World Basketball World Cup.
Samtang ang number 2 overall 2021 pick sang Houston Rockets nga si Jalen Green ang masako naman sa karon sa pagiging isa ka amay.
May average ini sang yara sa less than 20 points kag nakatutok ini subong sa team goals.
Siguruhon naman ni undrafted Fil-Am rookie Boogie Ellis nga ihatag niya ang masarangan para magpangibabaw ang Sacramento Kings.
Isa sa mga inspirasyon niya sa hampang amu ang pagiging assistant coach niya, si PBA legend Jimmy Alapag nga yara sa ikaduha nga tuig bilang assistant coach sang Kings.
Tuman naman ang kalangkag ni Fil-Am player Ron Harper Jr. bangud ginkuha siya sang reigning NBA champion nga Boston Celtics gikan sa Toronto Raptors.
Wala nakahampang sadtong nakaligad nga season si Harper bangud sa injury kag nalakip na itni sa preseason sang lutuson sang Celtics ang Denver Nuggets sa hampang nga ginhiwat sa Abu Dhabi.
Magasugod ang bag-o nga season sang NBA sa palaabuton nga Oktubre 22.
