-- ADVERTISEMENT --
ROXAS CITY – Pilason ang apat ka mga tawo matapos nagbunggo ang motorsiklo sa tricycle sa Barangay Gabuan, Roxas City.
Yara sa ICU sang Roxas Memorial Provincial Hospital ang driver sang motorsiklo nga si Rojie Cris Agana kag backrider nga si Von Ryan Caloyloy sang Barangay Dumolog Roxas City.
Samtang gindala sa iban nga ospital ang driver sang tricycle nga si Rick Coronado kag kaupod nga si Mary Bucayan nga nag-angkon sang mga pilas sa lawas.
Nagaguwa sa imbestigasyon sang pulisya nga ginlupad sang hangin ang kalo ni Agana nga nagamaneho sang motorsiklo kag sa pagbalikid sini nadulaan sang balanse kag gin-agawan sang linya ang tricycle.
Gilayon nga gindala sa ospital ang mga biktima sang mga nakasaksi.
-- ADVERTISEMENT --
