ROXAS CITY – Arestado ang 40-anyos nga lalaki matapos ginserbihan sang warrant of arrest sang mga kapulisan, sa Brgy. Lawa-an, Roxas City.
Ginkilala ang akusado kay alyas “Bobby” 40-anyos, residente sang Barangay Manayupit, Maayon, Capiz.
Sa impormasyon nga nakuha sang Bombo Radyo nagikan sa Maayon Municipal Police Station, ginapahayag nga nagapangatubang ang amo nga akusado sang kaso nga paglapas R.A. 9262 ukon Anti-Violence Against Women and Their Children (VAWC) Act of 2004.
Ang warrant of arrest nga ginpapanaog ang ginpirmahan ni Presiding Judge Eric Anthony A. Dumpilo sang 6th Judicial Region Branch 14, Roxas City, Capiz nga napetsahan sadtong Hulyo 10, 2024.
Naglab-ot naman sa P72,000 ang ginrekomendar nga piyansa sang korte para sa temporaryo sini nga kahilwayan.
Sa karon, nagapabilin ini sa kustodiya sang kapulisan para sa nagakaigo nga disposisyon kag natalana iga-turn over sa court of origin.
