ROXAS CITY – Arestado ang 41-anyos nga lalaki matapos ginserbihan sang warrant of arrest sang mga kapulisan sa Sitio Malamig, Brgy. Poblacion banwa sang Sapian.
Ginkilala ang arestado kay Junior Valentino, isa ka mangingisda kag residente sang nasambit nga lugar.
Kaso nga paglapas sa Article XXII, Section 261 of the Omnibus election code ang ginapangatubang sang suspetsado.
Ang nasambit nga warrant ang ginpapanaug kag ginpermihan ni Hon. Daniel Antonio Gerardo Amular, Judge, RTC 6 judicial region, Branch 21 Mambusao, Capiz napetsahan Disyembre 29, 2011.
Ginrekomendar sang korte ang pyansa nga P12,000 para sa temporaryo sini nga kahilwayan.
Nagapabilin sa kustodiya sang Sapian Municipal Police Station ang nasambit nga suspetsado para sa nagakaigo nga disposisyon.
