-- ADVERTISEMENT --
Naglab-ot sa 430 ka mga drivers ang nadakpan sang Traffic Management Unit (TMU) Roxas City sa bulan sang Mayo.
Sa interview sang Bombo Radyo kay Gonzalo Andrada, Head sang TMU-Roxas City, iya ginpahayag nga ang may pinakamadamo nga kaso amo ang indi pagsuksok sang helmet sang mga motorista nga may 111 ka mga violators.
Samtang ang Colorum naman ang yara sa 94 kag ang Driving Without Driver’s License naman ang yara 74 ka mga violators.
Suno pa kay Andrada, yara na sa 10 ka kaso ang nadakpan sa paglapas sa Ordinance No. 035-2025 ukon Truck Ban sa Capiz Bridge.
Nagpanawagan man ini sa motorista nga sundon ang traffic rules agud malikawan ang aksidente kag mga penalidad.
-- ADVERTISEMENT --
