ROXAS CITY – Dead on arrival sa Bailan District Hospital ang 44-anyos nga lalaki matapos nga ginbuno sang iya himata nga kaupod sa ilimnan sa Sitio Matnog, Barangay Cabugcabug, President Roxas, Capiz.
Ginkilala ang biktima kay Eduardo Berbaño Alonio.
Samtang ang suspek ang ginkilala kay Bernardo Alonio Berbaño, 29-anyos, kag lunsay mga residente sang nasambit nga barangay.
Sandig sa inisyal nga imbestigasyon sang mga katapo sang President Roxas MPS, naga-inom-inom ang biktima kag suspek sa isa ka birthday party takna alas-10:20 kagab-i, Disyembre 12.
Ginpahayag nga nagpatunga ang indi pag-intindihanay sa duha rason nga ginbuno sang suspek ang biktima sa nagkalain-lain nga porsyon sang iya lawas.
Madasig nga nalagyo ang suspek kag sa karon nagapadayon ang manhunt operation sang mga kapulisan.
Ginahibalo pa sang mga kapulisan ang madalom nga motibo sang suspek sa pagpangbuno.
