46 ka mga indibidwal, patay sa maduguon nga aksidente sa Uganda

Naglab-ot sa 46 ka tawo ang napatay matapos nga nagbungguanay ang mga salakyan sa Uganda.

Base sa inisyal nga imbestigasyon, dungan nga nag-overtake ang duha ka bus sa Kampala-Gulu Highway tubtub nga nagsugata ang truck kag awto.

Gintinguhaan sang mga bus nga likawan ang pagbunggu-anay apang nakalab-ot sa gihapon sa diin nagbaliskad ang isa sa mga bus.

Gindala naman sa ospital ang pila ka mga pasahero nga nag-angkon sang pilas.

Nagpalab-ot naman sang simpatiya si Ugandan President Yoweri Museveni kag magahatag sang $1,430 kada ayuda sa mga himata sang biktima.

Samtang, ginmando man sang presidente ang hugot nga imbestigasyon sa nasambit nga insidente.