Ginapanawagan sang mga pamilya kag himata sang isa ka iloy nga ginapahayag nga nadula sumugod kahapon nga adlaw, Nobyembre 18.
Personal nga nagpadulong sa talatapan sang Bombo Radyo ang mag-asawa nga sanday Amy Vilches kag Darryl “Bembem” Palania, agud ipanawagan ang ila nga iloy nga ginapahayag nadula.
Ginkilala ini kay Emily Palania Duron, 47-anyos kag residente sang Brgy. Lacaron, Dao, Capiz.
Sa interview sang Bombo Radyo sa mag-asawa, sa panaysayon sang mga ini, nadula ini takna alas-5:00 sang hapon, kahapon, Nobyembre 18 halin mismo sa ila sini nga puluy-an.
Dugang pa sini, ang ila iloy ang isa ka nerbyosa kag indi mapahamtang ilabi nagid kung gaisahon kay lain ang nagasulod sa iya sini nga paminsaron.
Ang ulihi sini nga suksok nga panapton amo ang Jacket nga nagaduag pula kag kalo nga nagaduag blue.
Panawagan sang mag-asawa, sa mga makakita ukon makasapupo sa ila iloy, palihog nga makig-angot sa ila ukon magpanawag sa numero nga 09513199012.
Sa karon, padayon pa ini nga ginapangita sang ila mga himata kag napabalhag naman sa Dao MPS.
