-- ADVERTISEMENT --
ROXAS CITY – Patay ang 47 anyos nga area manager sang isa ka grocery establishment matapos ginapahayag gin-atake sa korason ukon cardio-pulmonary arrest sa gina-estaran sini nga apartment sa Barangay Tiza, Roxas City.
Ginkilala ang napatay kay Anthony Sison, residente sang New Panadero Street, Sta. Ana, Metro Manila.
Base sa inisyal nga imbestigasyon, nakit-an na lamang ni Teddy Dela Torry, kaingod balay sang biktima nga masobra isa ka oras nga naga-inandar ang salakyan sang biktima.
Sa iya pagtsekyar didto nakit-an sini si Sison nga nagahuray-ad sa duta malapit sa driver seat sang salakyan kag wala na nagahulag.
Gilayon nga gindala sa ospital ang biktima apang ginbawian man ini sang iya nga kabuhi samtang ginabulong.
