ROXAS CITY – Maisog nga ginbulgar sang 17 anyos nga babayi ang ginaalegar pagpangsakit kag pagpang-molestiya sa iya kag sa duha pa sini ka mga utod nga babayi sang ila nga amay sa isa ka barangay sa banwa sang Mambusao, Capiz.
Sa exclusive interview sang Bombo Radyo Roxas kay alyas Nene, ginaalegar nga nagdaku sila nga naga-antos bangud sa masami nga pagpangsakit mismo sang ila nga 48 anyos nga amay.
Ginaalegar pa sang dalaga nga gina-molestiya ini kag ang duha pa ka mga utod nga babayi sa tion nga nagatulog kun gab-i. Ginapatihan nga ginakamang kag ginahikap sang ila amay ang tagsa nila ka mga pribado nga parte sang kalawasan.
Sa separado nga pahayag, nagdepensa naman ang 48 anyos nga amay sa tanan nga alegasyon nga ginhaboy sa iya sang mga anak sini.
Aminado ini nga nasakit niya ang mga anak apang ginpanginwala niya ang alegasyon angut sa pagpang-molestiya.
Suno diri nga ginabadlong ang rason kun ngaa ginasakit niya ang mga kabataan bangud masami ini nga ginasabat kag ginabuyayaw.
Samtang, suportado naman sang iloy ang mga kabataan sini nag magpasaka sang nagakaigo nga panumbungon batuk sa ila padere de pamilya.
