48 anyos nga lalaki, nakuryente-patay sa banwa sang President Roxas

ROXAS CITY – Patay ang 48 anyos nga lalaki matapos makuryente sa Barangay Poblacion, President Roxas, Capiz.

Ginkilala ang biktima nga si Junrel Ballon, residente sang nasambit man nga lugar.

Base sa impormasyon nga nakuha sang Bombo Radyo sa President Roxas Municipal Police Station, nahibaluan nga nagapanglimpyo ang biktima sa sulod sang ila balay bangud nagbaha tuga sang mamunog nga ulan.

Sang kakson na kuntani sini ang nakasaksak sa saksakan, diri kag nakuryente ini kag natumba sa salog nga nataop sang baha.

Gindala pa sa Bailan District Hospital ang biktima apang gindeklarar nga dead on arrival.