Nagpakigbahin sang ila mga preparasyon kag advocacy ang fourth batch sang Lin-ay kag Hangaway sang Capiz 2026.
Ang nasambit nga kompetisyon ang kabahin sang selebrasyon sang Capiztahan 2026 sa Probinsya sang Capiz.
Sa interview sang Bombo Radyo kay Ryan Christian Bengaura, Hangaway sang Panitan, Capiz, iya ginpahayag nga mangin proud kag natural lang sa imo kaugalingon ang isa ka aspect sang hangaway agud makuha man ang kadalag-an.
Suno naman kay Ryan, ang pagpakita niya sang paghigugma sa iya banwa amo ang paggamit sang diyalekto nga hiligaynon kag paghatag sang importansya sa kultura sang Panit-an, Capiz.
Daku man ang iya pagpasalamat sa mga nagapalibot sa ila nga wala na sila nabudlayan sang pagpreparar sa nagahilapit nga Lin-ay kag Hangaway Capiz 2026.
Samtang suno naman kay May Clarito Datiles, Lin-ay sang Panitan, dapat may isa ka aspeto ang lin-ay amo ang maayo nga pamatasan kag tagipusuon nga magahatag sa masunod nga mga henerasyon ukon mga kabataan.
Dugang pa sini, ang pagpalanga niya sa iya kultura pinaagi sa indi pagkahuya sang iya kinaandan nga linguwahe.
Pahayag pa niya, ang adbokasiya nga “Youth Empowerment”, ginahatagan niya sang daku nga hugot nga pinaagi sa iya mangin malig-on ang self esteem sang kabataan.
Bugal man nga ginarepresentar sang Lin-ay sang Jamindan nga si Malyn Fe Barrientos, ang iya sini nga banwa.
Suno sa iya, ang lin-ay kag hangaway sang Capiz ang may yara dapat sang respeto sa isigkatawo kag kaisog.
Dugang pa sini nga dapat may yara man sang pagpalangga sa Kultura kag pagpalapnag sang tradisyon nga kinahanglan pagadal-on sa adlaw-adlaw nga pagpangabuhi.
Pahayag pa sini nga apisar nga indi siya magda-og sa pageant pagadal-on niya gid nga inspiration kag leksyon ang iya natun-an sa nasambit nga kompetisyon bilang isa ka Jamindahanon kag isa ka Capiznon.
Samtang, ginpakigbahin man ni Karl Fred Destura, Hangaway sang Banwa sang Jamindan, nga dapat mangin humble lang kag wala kag magsalig lang sa kaugalingon.
Suno sa iya, ginapreparahan niya gid sang maayo ang nasambit man nga kompetisyon agud man nga mangin madinalag-on.
