ROXAS CITY– Ginhilway sang kapulisan ang lima ka mga suspek nga ginaalegar responsible sa paghimulos kay Alyas Marie, Grade 10 student sang isa ka eskwelahan sa premier distrito sa probinsiya sang Capiz.
Ini matapos nga ginahulat pa ang resulta sang medical examination sang dalagita nga ginaalegar ginbulos bulosan himulos sang lima ka mga lalaki nga ila nakaupod sang suod nga abyan sa ilimnan sa isa ka lugar sa banwa sang Pontevedra.
Nahibaluan nga matapos ang insidente nagpadulong sa President Roxas PNP ang mag-abyan nga sanday Alyas Marie kag Cheche kag ginsugid ang natabo sa ila.
Suno sa abyan sang biktima nga si Cheche, antes ang paghimulos sa abyan, una siya nga gintuyo himuslan sang duha sa lima ka mga suspek, apang wala madayon bangud nagbatu ini.
Samtang nagpangayo naman sang pasaylo si Che Che kay alyas Marie bangud wala niya ini gilayon nga nabuligan bangud natulugan man ini sa tuman nga kahulugbon.
.
