5-ka tuig nga babayi, nalumos sa banwa sang Maayon

ROXAS CITY – Patay ang 5-ka tuig nga babayi, matapos nalumos sa suba nga sakup sang Brgy. Aglimocon, Maayon, Capiz, kahapon nga adlaw.

Sa impormasyon nagikan sa mga katapo sang Maayon MPS, nagaguwa sa ila imbestigasyon nga ginbilin ang biktima sa duyan sang iya lolo nga si Romeo Villanueva, agud maghiwat sang ila palanyagahon.

Apang, sa pagbalik sang lolo, wala na ang bata kag sa ila pagpangita sa palibot, nasapwan nalang ang bata nga wala na sang kabuhi sa amu nga suba.

Nahibaluan nga ginabulubanta 30 metros ang kalayuon sang suba sa balay sang amu nga biktima.

Ginpadangat pa ini sa Bailan District Hospital apang gindeklarar nga dead on arrival sang doktor.