TAPAZ, Capiz – Ginlabo ang 50 anyos nga driver gamit ang bolo sa Barangay San Nicolas, Tapaz, Capiz.
Ang biktima amo si alyas Leo, kasado, nagatrabaho bilang driver sa isa ka bus company kag residente sang Sitio Mawang, Barangay Candelaria sa nasambit nga banwa.
Samtang ang suspek naman amo si alyas Tadoy.
Sandig sa otoridad, naga-inom ang biktima kag kaupod sini malapit sa San Nicolas Public Market sang nag-abot ang suspek.
Ginaalegar may yara sang pagbinaisay sa tunga sang biktima kag suspek nga naglab-ot sa pagpanglabo.
Ginapahayag nga naggamit sang bolo ang suspek kag liwat-liwat nga ginlabo ang biktima rason nga pilason ang nawong, butkon, dughan kag likod sini.
Sa inisyal nga imbestigasyon, may yara sang daan nga hiligut-anon ang duha.
Gilayon nga gindala sa ospital ang biktima samtang ang suspek naman ang nagpalagyo matapos ang insidente.
Nagpatigayon sang pursuit operation ang kapulisan apang nagapabilin nga at large sa gihapon ang suspek.
