54 anyos nga mister, patay matapos ginluthang ang kaugalingon sa banwa sang Tapaz 

ROXAS CITY-Patay ang 54-anyos nga mister matapos nga ginaalegar gintiro sang armas-luthang ang iya kaugalingon sa Barangay San Nicolas, Tapaz, Capiz.

Ang biktima ang hungod nga wala ginhingadlan nga residente sang amo nga lugar.

Suno kay Patrolman Rafe John Funtilar, imbestigador sang Tapaz Municipal Police Station, nakabati sang lupok sang armas-luthang ang asawa sang biktima gikan sa ila nga balay.

Sa iya pagtsekyar diri kag iya ginkakibot sang nakit-an ang iya bana nga duguon nga may igu sang bala sa dughan kag wala na sang kabuhi.

Narekober sa lugar ang isa ka unit sang single-shot 12-gauge homemade handgun.

Nahibaluan pa nga makatatlo ka beses na nga nagtuyo nga magpanginmatay ang nasambit nga biktima.